ਮਲੇਸ਼ੀਆ 'ਚ ਸਿੱਖ ਮਾਂ ਤੇ ਧੀ ਦੀ ਹੱਤਿਆ

ਕੁਆਲਾਲੰਪੁਰ : ਮਲੇਸ਼ੀਆ ’ਚ 33 ਵਰ੍ਹਿਆਂ ਦੀ ਸਿੱਖ ਮਹਿਲਾ ਅਤੇ ਸੱਤ ਮਹੀਨਿਆਂ ਦੀ ਬੱਚੀ ਦੀ ਭੇਤ ਭਰੀ ਹਾਲਤ ’ਚ ਮੌਤ ਹੋ ਗਈ। ਮੀਡੀਆ ਰਿਪੋਰਟ ਮੁਤਾਬਕ ਪੁਲੀਸ ਨੇ ਇਸ ਘਟਨਾ ਲਈ ਮਹਿਲਾ ਦੇ ਪਤੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਸਿਲੰਗੋਰ ਸੂਬੇ ਦੇ ਰਵਾਂਗ ਕਸਬੇ ’ਚ ਵੀਰਵਾਰ ਨੂੰ ਕਮਲਜੀਤ ਦੋਰਾਈਰਾਜਾ ਅਤੇ ਉਸ ਦੀ ਧੀ ਇਸ਼ਲੀਨ ਕੌਰ ਦੀਆਂ ਲਾਸ਼ਾਂ ਘਰ ’ਚੋਂ ਬਰਾਮਦ ਹੋਈਆਂ ਸਨ।

‘ਮਲਾਏ ਮੇਲ ਆਨਲਾਈਨ’ ਦੀ ਰਿਪੋਰਟ ਮੁਤਾਬਕ ਦੋਹਾਂ ਨੂੰ ਗਲ ਘੁੱਟ ਕੇ ਮਾਰਿਆ ਗਿਆ ਜਾਪਦਾ ਹੈ। ਉਂਜ ਮੌਤ ਦੇ ਕਾਰਨਾਂ ਦਾ ਤੁਰੰਤ ਪਤਾ ਨਹੀਂ ਲੱਗ ਸਕਿਆ। ਕਮਲਜੀਤ ਦੇ ਸਹੁਰੇ ਨੇ ਦੋਹਾਂ ਦੀਆਂ ਲਾਸ਼ਾਂ ਦੇਖੀਆਂ ਅਤੇ ਰੌਲਾ ਪਾਇਆ। ਪੁਲੀਸ ਨੇ ਮੁੱਢਲੀ ਪੜਤਾਲ ਤੋਂ ਬਾਅਦ ਡਰਾਈਵਰ ਪਤੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।

Share this

Related Posts

Previous
Next Post »